வைரல் வீடியோவின் பின்னால் மறைந்த பகீர் உண்மை! – பட்டுக்கோட்டை இளம்பெண்ணின் பரபரப்பு புகார்...

சமூக வலைதளங்களில் ஒரு வீடியோ வைரலாகிறது. சில மணி நேரங்களிலேயே ஆயிரக்கணக்கானோர் அந்த வீடியோவை பார்த்து கருத்து தெரிவிக்கிறார்கள். சிலர் தீர்ப்பும் வழங்கிவிடுகிறார்கள். ஆனால் அந்த வீடியோவுக்கு பின்னால் இருக்கும் மனிதர்களின் வாழ்க்கை, குடும்பப் போராட்டம், கண்ணீர், குற்றச்சாட்டுகள், சட்டப் போராட்டங்கள் ஆகியவை பெரும்பாலும் வெளிச்சத்துக்கு வருவதில்லை.அப்படிப்பட்ட ஒரு விவகாரம்தான் தற்போது தஞ்சாவூர் மாவட்டத்தில் பட்டுக்கோட்டை ஊரில் அக்ஷயா என்ற பெண்ணை பற்றி பரபரப்பை ஏற்படுத்தியுள்ளது.25 வயதான அக்ஷயா என்ற இளம்பெண், தனது கணவர் மற்றும் அவரது குடும்பத்தினருக்கு எதிராக தமிழக முதலமைச்சர், காவல்துறை உயரதிகாரிகள் மற்றும் சம்பந்தப்பட்ட துறைகளுக்கு புகார் அளித்துள்ளார். அந்த புகாரில் இடம்பெற்றுள்ள குற்றச்சாட்டுகள் சமூக வலைதளங்களில் பரவி வரும் தகவல்களை விடவும் அதிர்ச்சியூட்டும் வகையில் உள்ளன.

"அது இப்போது எடுக்கப்பட்ட வீடியோ அல்ல"

தற்போது சமூக வலைதளங்களில் பரவி வரும் வீடியோ, சமீபத்தில் எடுக்கப்பட்டதல்ல என்று அக்ஷயா தெரிவிக்கிறார்.அவரது கூறுகையில், அந்த வீடியோ 2025-ஆம் ஆண்டு அவர் பணிபுரிந்த நிறுவனத்தின் ஊழியர்கள் தங்கியிருந்த வீட்டில் எடுக்கப்பட்டது. அப்போது தன்னுடன் பிற பெண் ஊழியர்களும், சக பணியாளர்களும் இருந்ததாக அவர் கூறுகிறார்.

"வீடியோவில் இருந்த மற்றவர்களை மறைத்து, என்னை மட்டும் குறிவைத்து காட்சிகள் வெளியிடப்படுகின்றன" என்பதே அவரது குற்றச்சாட்டு.

2020-ஆம் ஆண்டு நடைபெற்ற திருமணத்தின் போது தங்க நகைகள், இருசக்கர வாகனம் உள்ளிட்ட சீதனப் பொருட்கள் வழங்கப்பட்டு .திருமணத்திற்கு பின்னர் குடும்ப வாழ்க்கையில் ஏற்பட்ட கருத்து வேறுபாடுகள் நாளடைவில் பெரிய மோதலாக மாறியதாக கூறப்படுகிறது.கணவர் வேலைக்குச் செல்லாமல் இருந்ததாகவும், மனைவியை அடிக்கடி சந்தேகித்து குடும்பத்தில் பிரச்சினை ஏற்படுத்தியதாகவும் புகாரில் தெரிவிக்கப்பட்டுள்ளது.புகாரில் இடம்பெற்றுள்ள மற்றொரு முக்கிய அம்சம், கணவரின் போதைப் பழக்கம் குறித்த குற்றச்சாட்டாகும்.மது, கஞ்சா உள்ளிட்ட போதைப் பொருட்களுக்கு அடிமையானவர் என்றும், போதையில் கட்டுப்பாட்டை இழந்து வன்முறையில் ஈடுபட்டதாகவும் அக்ஷயா கூறியுள்ளார்.மேலும், பல்வேறு திருட்டு வழக்குகளில் தொடர்பு இருப்பதாகவும், குறிப்பாக பட்டுக்கோட்டை பகுதியில் டாஸ்மாக் கடை உடைப்பு மற்றும் திருட்டு சம்பவம் தொடர்பாக வழக்குப் பதிவு செய்யப்பட்டுள்ளதாகவும் புகாரில் கூறப்பட்டுள்ளது.இந்த குற்றச்சாட்டுகள் அனைத்தும் சம்பந்தப்பட்ட விசாரணை மற்றும் நீதிமன்ற ஆவணங்கள் மூலம் உறுதிப்படுத்தப்பட வேண்டியவை.

"பிறந்தநாள் பரிசாக மனைவிக்கு மொட்டை" – பகீர் குற்றச்சாட்டு**

புகாரில் இடம்பெற்றுள்ள மிகவும் அதிர்ச்சியூட்டும் குற்றச்சாட்டுகளில் ஒன்று, பிறந்தநாள் நாளிலேயே தலைமுடியை மொட்டையடித்து அவமானப்படுத்தி.அதேபோல், தூங்கிக் கொண்டிருந்தபோது கட்டையால் தாக்கி காலில் எலும்பு முறிவு ஏற்படுத்தியதாகவும் அக்ஷயா குற்றம்சாட்டியுள்ளார்.

"குழந்தை மீதான சித்திரவதை குற்றச்சாட்டுகள்"

தங்களது சிறு வயது குழந்தையின் கைகளில் சிகரெட்டால் சூடு வைத்து சித்திரவதை செய்து குழந்தையை மனரீதியாக பாதிக்கப்பட்டதாகவும் புகாரில் கூறப்பட்டுள்ளது.மேலும், 

குழந்தைகள் நலன் தொடர்பான அமைப்புகளும் இந்த விவகாரத்தை கவனத்தில் கொள்ள வேண்டும் இந்த வழக்கின் மையத்தில் இருப்பது ஒரு குடும்பத் தகராறு மட்டுமல்ல; சமூக வலைதளங்களின் தாக்கமும் கூட.

ஒரு பழைய வீடியோவை அடிப்படையாகக் கொண்டு ஒருவரின் குணநலன் குறித்து தீர்ப்பு வழங்குவது எவ்வளவு சரி?

விசாரணைக்கு முன்பே சமூக வலைதளங்கள் தீர்ப்பு வழங்கும் சூழல் உருவாகிவிட்டதா?

என்ற கேள்விகள் எழுந்துள்ளன.

மகளிர் காவல் நிலையம், மாவட்ட காவல் கண்காணிப்பாளர் அலுவலகம் உள்ளிட்ட பல்வேறு இடங்களில் புகார் அளித்ததாக அக்ஷயா தெரிவித்துள்ளார்.

ஆனால் உரிய நடவடிக்கை எடுக்கப்படவில்லை எனக்கும் என் குழந்தைக்கும் நீதி கிடைக்கவில்லை என்றும் அவர் குற்றம்சாட்டியுள்ளார்.

இந்த குற்றச்சாட்டுகள் தொடர்பாக சம்பந்தப்பட்ட அதிகாரிகள் முழுமையான விசாரணை நடத்த வேண்டிய அவசியம் இருப்பதாக சட்ட நிபுணர்கள் கருதுகின்றனர்.இந்த வழக்கில் முன்வைக்கப்பட்டுள்ள அனைத்து குற்றச்சாட்டுகளும் தற்போது புகார்தாரரின் தரப்பில் கூறப்பட்டவையாகும். கணவர் மற்றும் அவரது குடும்பத்தினர் தரப்பிலிருந்து அதிகாரப்பூர்வ பதில் வெளியாகவில்லை.

ஆனால் ஒரு விஷயம் மட்டும் உறுதி ஒரு குடும்பத்தின் தனிப்பட்ட பிரச்சினையாகத் தொடங்கிய இந்த விவகாரம் இன்று பெண்கள் பாதுகாப்பு, குழந்தைகள் நலன், குடும்ப வன்முறை, போதைப் பழக்கம் மற்றும் சமூக வலைதள பொறுப்பு குறித்து பெரிய கேள்விகளை எழுப்பியுள்ளது.உண்மை எது? குற்றச்சாட்டுகள் எவ்வளவு உண்மை? சமூக வலைதளங்களில் பரவும் தகவல்கள் எவ்வளவு நம்பகமானவை?இந்த கேள்விகளுக்கான பதிலை வழங்குவது விசாரணை அமைப்புகளின் கடமையாகும். அதுவரை இந்த வழக்கு, பல பதிலில்லா கேள்விகளுடன் தொடர்கிறது.