மாநில அளவிலான யோகாசனப் போட்டி: 600‌க்கும் மேற்பட்ட மாணவ, மாணவிகள் பங்கேற்பு...

திருச்சி:

திருச்சியில் நடைபெற்ற மாநில அளவிலான யோகாசனப் போட்டியில்  600‌க்கும் மேற்பட்ட பள்ளி,கல்லூரி மாணவ, மாணவிகள் பங்கேற்பு.

திருச்சி ஶ்ரீ நற்பவி யோகாலயா உரிமையாளர் மற்றும் ஆதவன் கலை & அறிவியல் கல்லூரி  யோகாத்துறை தலைவர் பரமேஸ்வரன் தலைமையில்  2-ஆம் ஆண்டு மாநில அளவிலான யோகாசனப் போட்டி, திருச்சி வயலூர் மெயின்ரோடு  சோமரசம்பேட்டையில் அமைந்துள்ள ஜோதி மஹாலில் வெகுச் சிறப்பாக நடைப்பெற்றது.  

ஶ்ரீ நற்பவி யோகாலயா  உரிமையாளர் பரமேஸ்வரன்  வரவேற்புரையாற்றினார். சிறப்பு விருந்தினராக ஐஸ்வர்யா எஸ்டேட்ஸ் &  ஜோதி மஹால் உரிமையாளர் ஜோதி மகாலிங்கம்  கலந்துகொண்டு மாநில அளவிலான யோகாசனப் போட்டியினை குத்துவிளக்கு ஏற்றி துவக்கி வைத்தார்.  யோகாசனப் போட்டிக்கு 600க்கும் மேற்பட்ட பள்ளி , கல்லூரி மாணவ, மாணவிகள் மற்றும் பெரியவர்கள் அவரவர் வயதுக்கேற்றப் பிரிவில் கலந்துக்கொண்டு‌ சிறந்த முறையில் ஆசனங்களை செய்தனர்.

சிறப்பு விருந்தினரான ஆதவன் கலை & அறிவியல் கல்லூரி முதல்வர் காமராஜ் சிறப்புரையாற்றினார்.  சிறப்பு விருந்தினரான ஶ்ரீ சக்ரா மற்றும்  இயற்கை மருத்துவர் கெளதம் மாநில அளவிலான யோகாசனப் போட்டியில், வெற்றி பெற்ற அனைவருக்கும்  சான்றிதழ்களையும், கோப்பைகளையும் வழங்கினார். ஶ்ரீ நற்பவி யோகாலயா இயக்குனர் சித்ரா நன்றியுரை  கூறினார்.